Meänkieli

Lämpimästi tervetuloa Tukholman RFSL

Tukholman RFSL työskentellee henkilöitten kans jokka on homot, biseksuualiset, transihenkilöt ja queerit, ja heitten tuttavitten, lähimäisitten ja kaveritten kans. Meän tavote on ette eistää sellaista yhteiskuntaa jossa kunnioitethaan kaikkia ihmisiä samoila oikeuksila ja maholisuuksile – riippumatta sukupuolesta, sukupuolen identtiteetistä, seksuuaalisesta taipumuksesta, seksuaalisesta ilmasusta, hiv-staattuksesta, eetnisestä kuuluvuuesta, uskonosta eli muusta uskonon mielipitheistä, toiminan kykyvyyestä, iästä eli sosioekonoomisesta taustasta.

Met Tukholman RFSL:ssä suoritama poliittista työtä ja informasjuunin toimintaa, järjestämä koulutusta ja tarjoama meän tavoteryhmile erinlaisia tukitoimintoja. Met järjestämä kans jäsenitten aktiviteettia, on eri jäsenryhmiä, järjestämä nuorten toimintaa, järjestämä talvifestin, ja piämä joka vuosi yhen transiteemapäivän, monen muun toiminan seassa. Sen lisäks met valvoma ette on paljon jännittäviä aktiviteettia mihinkä saattaa osalistua Stockholm Priden aikana. Ja paljon muuta …

Aktiiviset jäsenet
Suuri osa meän toiminasta järjestävät meän jäsenet, ja erit harrastusryhmät jokka kohtaavat säänölisesti seuraavassa paikassa: Huset (Talossa), Sveavägen 59. Tukholman keskustan syämessä. Tullaksheen jäseneks lähätä e-posti info@stockholm.rfsl.se ja taho lissää informasjuunia.

Meilä on tällä hetkelä seuraavat jäsenryhmät:
Ylpeät vanheemat. Kun nimi viittaa tämä vanheemitten ryhmä, joila on HBTQ-lapsia, on niile jokka haluavat saa kontaktia muitten vanheemitten kans tavotheessa ette antaa moleminpuolista tukea. Ryhmä järjestää aktiviteettia kun teemakokouksia, opintopiirijä ja Stockholm Pride.
Transikahvila järjestää kahvilakokouksia transihenkilöile toinen tiistai joka kuukausi (paitti jyyli). Kokoulset alkavat kello 19.00 ja antavat maholisuuen puhua ja rentoutua kahvikupin ympärillä. Se on erinomainen tapa ihmisilä tulla ulos, saa uusia kaveria ja pittää kontaktia toisitten kans.

Gaysenioorit ja Golden Ladies on ryhmät vanheemile HBTQ-henkilöile.

Lambda IF on urheiluyhistys.


Flaattapatrulli on ryhmä HBTQ-vaimoile jokka haluavat kohata leppoisassa ja sopivissa oloissa.
Homosirkkeli on ryhmä joka kohtaa kerran kuukauessa puhumhaan kirjoista mitä on luettu.
Aseksuellin verkostola on avoimet kokoukset joka neljäs viikko kaikile joila on kysymyksiä eli ajatuksia aseksualisuuesta.

Oopperahomot on sosiaalinen ryhmä jonka tapahtumat piethään oopperaesityksitten yhteyvessä ympäri koko Ruottia.
Aktivistiryhmä on jäsenile jokka haluavat tulla aktiiviseks Tukholman RFSL:n kysymykshiin ja jokka haluavat auttaa eventti suunitteluitten kans.

ParaplyT on jäsenryhmä joka kerrää henkilöitä joila on paljastettu transi-identtiteetti turvalisheen paikhaan.

HBTQ <3 BDSM kerrää jäseniä joila on kiinostus BDSM toiminthoin.
HBTQ ja lautapelarit (brädspelare) on jäsenryhmä niile henkilöile jokka tykkäävät pelata lautapeliä (brädspel) ja jokka haluavat oppia tuntheen muita HBTQ-henkiöitä joila on sama kiinostus.
Transintuttavaryhmä on porukka missä ystävät ja perheenjäsenet transihenkilöile kerrääntyvät vaihettamhaan kokemuksia toisitten kans.
Lesbians who tech kerrää lesbo henkiölitä jokka on kiinostunheet eli on töissä insjinöörin alala eli sellaisista viroista.

Freebiebinder Stockholm kerrää bindersiä ja ja antaa niitä transihenkilöile joila on niitten tarvetta.

Pätevä henkilökunta

Tukholman RFSL:ssä on hyvin pätevä henkilökunta. Moni on töissä hiv-prevensjuunin ja terhveyen kans projektissa Sexperterna, joka on tarkotettu miehile joila on seksiä miesten kans. Ajatus on ette antaa heile informasjuunia varmemasta seksistä. Työntekijät Tukholman RFSL:ssä suorittavat kans kouluinformasjuuni toimintaa ja pitävät koulutusta raahvaile jokka on töissä julkisella ja privaatila aloila. Tukholman RFSL tarjoaa tukea maahanmuuttaja konsylentin kautta ja eri tukiryhmitten kautta. Työntekijät Tukholman RFSL:ssä tekevät kans aika laila työtä aktiviteettien kautta jokka kohtistuvat nuorile HBTQ-henkilöile. Esimerkiks on Egalia, vapa-aijan talo henkilöile jokka on alle 20 vuotta ja HBTQ-Koija, joka on tarkotettu nuorile HBTQ-henkilöile jokka haluavat saa raahvaan HBTQ-henkilön menttoriksi. Queera Berättelser on tarinaprojekti ihmisile 13-25 vuen iässä, joka on käynissä aina 2014 ja lopetethaan julkaisemalla tarinakirjan.

Kysymyksiä?

Tukholman RFSL:n työtä ohjaa Sanna Frost, meän toiminanjohtaja, jolle saatat kirjottaa e-postin kautta sanna@rfslstockholm.se, eli telefuunila +46 8 501 629 62.

Päävastuu on johtokunnala, jonka jäsenet valittevat vuosikokouksessa.

Johtokunnan puhheenjohtaja vuele 2014 on Kristin Arthur. Sie saatat ottaa yhteyttä hänheen: kristin@rfslstockholm.se, eli +46 76 78 76 551.
Tukholman RFSL:n työntekijät, johtokunnan jäsenet ja vaalivalmistelukunta vastaavat mielelhään jos sulla on kysymyksiä. Kaikki työntekijät ja johtokunnan jäsenet puhuvat ruottia ja engelskaa, ja osa niistä puhhuu kans spanskaa ja muita kieliä. Sie löyät kontaktitiot henkilösivula ja johtokunnan sivula otsikon alla ”Om oss” (Meistä).

Tervetuloa!

PS. Diskresjuuni otethaan vakavasti Tukholman RFSL:ssä. Se merkittee ette sie saatat ottaa yhteyttä meihin ilman prupleemia jos sie et halua selittää muile sinun seksuaalisesta taipumuksesta eli sukupuoli identtiteetistä, eli jos sie ajattelet jostakin HBTQ-kysymyksistä.

Kommentera

Fyll i dina uppgifter nedan eller klicka på en ikon för att logga in:

WordPress.com Logo

Du kommenterar med ditt WordPress.com-konto. Logga ut / Ändra )

Twitter-bild

Du kommenterar med ditt Twitter-konto. Logga ut / Ändra )

Facebook-foto

Du kommenterar med ditt Facebook-konto. Logga ut / Ändra )

Google+ photo

Du kommenterar med ditt Google+-konto. Logga ut / Ändra )

Ansluter till %s